Un thriller, dulà che però si pues cetant ridi, al zire la regjon par dute la setemane: martars ai 11 tal Teatri Comunâl di Cormons e po dopo, di miercus ai 12 a sabide ai 15, intal circuit Ert a Manià, S. Denêl, Premariâs e Talmassons. “Calcoli – ovvero l’arte dell’inganno” (Calcui – o sedi la art dal ingjan) di Gianni Clementi, l’ultin lavôr puartât in sene di La Contrada di Triest, cun Blas Roca Rey, Andrea Lolli, Pietro Bontempo e Monica Rogledi. E je la storie di un Sotsegretari dai Afârs cul forest che al decît di passâ, di scuindon de femine e ignorant lis implicazions internazionâls e la campagne eletorâl che e sta par rivâ, un fin de setemane infogât cuntune frute de television intune baite isolade di mont, metude a disposizion dal so puarteborsis, fint al moment che al rive un altri misteriôs personaç… (A.I.) – 10.03.2025
Foto di L. Cerati
