Un spetacul di ‘premi Oscar’ talian

Une gnot alcoliche che e finìs dome ae albe, cuant che si rive al cidin dopo tantis peraulis. Une narazion de impussibilitât di amâ, ma ancje dal desideri di continuâ a provâ. Un amôr disperât al sarà contât miercus ai 18 al Teatri “Verdi” di Gurize in “Chi ha paura di Virginia Woolf?”, tierç apontament dal cartelon di prose de stagjon artistiche. In sene, cu la regjie di Antonio Latella, un cast straordenari, cun Sonia Bergamasco, Vinicio Marchioni, Ludovico Fededegni e Paola Giannini. Bergamasco e Fededegni a son stâts premiâts di resinte (miôr atore e miôr atôr under 35) al Premi Ubu 2022, i Oscar dal teatri talian, propit pes lôr interpretazions in chest spetacul. (A.I.) – 17.01.2023