Un sucès pes seradis jazz a Pordenon

La seste edizion di “Jazzinsieme” si è sierade cuntun grant sucès, cul conciert dut plen dal tercet Calderazzo-Patitucci-Weckl, puartant la grande musiche al centri de atenzion a Pordenon, tra grancj concierts, avigniments colaterâi, DJ e concierts intai locâi dal centri citadin. Ducj i apontaments a àn riclamât apassionâts di musiche de regjon ma ancje di Venit, Cravuazie e Lombardie, a testemoneâ che “Jazzinsieme” al fâs notâ la proprie impuartance ancje inte suaze des manifestazions di nivel nazionâl. La associazion culturâl “Blues in Villa” e da apontament ai siei avigniments che a saran inmaneâts vie pal Istât, tant che il festival cul stes non, che in Lui al sarà ospitât in varis lûcs de provincie, e Jazzinsieme a Spilimberc ae fin di Avost. (A.I.) – 04.06.2024