Un viaç di gnot cuntune atore di Udin

Intant che la citât di Rome e duar, cuatri zovins di trente agns a cirin un puest intal mont… Li dal cine Visionario di Udin, miercus ai 11 aes 8 sore sere, al rive “Non credo in niente”, opare prime dal zovin regjist Alessandro Marzullo, che al sarà in sale intune cu la atore udinese Demetra Bellina. E je la storie di un viaç vie pe gnot che al cor sui binaris paralêi des vitis di cuatri fantats, intune Rome deteriorade, propit compagn des lôr ciertecis. Une conte a tocs, cun relazions superficiâls, dulà che si alternin romanticisim e brutalitât, dolcece e soference. Un cine che al vîf di contrascj e al cîr di contâ la imprevedibilitât de vite e soredut dal presint. (A.I.) – 09.10.2023