Un viaç sinfonic intai planets dal sisteme solâr

E va indevant cu la rassegne di concierts “imersîfs” promovude de associazion RiMe MuTe, in colaborazion cu la Fondazion “Bon” e il circuit dal ERT, tal Teatri “Paolo Maurensig” di Felet. Domenie ai 2 il conciert “The Planets”, opare visionarie di Gustav Holst (1874-1934), e vignarà interpretade dai pianiscj Iryna Lytvynenko e Matteo Di Bella, acompagnâts des realizazions video di Lorenzo Bosich. “The Planets”, une sinfonie in siet moviments, che e propon i planets dal sisteme solâr – gjavant la Tiere – in clâf astrologjiche e cosmologjiche, e sarà soredut un viaç musicâl intor ai planets dal sisteme solâr cun ricams musicâi dal dut gnûfs. (A.I.) – 01.02.2025