Une atore e regjiste di Pordenon a New York e Cuba

Dopo New York, dulà che si è presentade tal “Italian Theater Festival” cul spetacul “Luisa”, la atore, autore e regjiste Bruna Braidotti de Compagnia di Arti e Mestieri di Pordenon e svole a Cuba par lâ in sene cuntun altri dai siei lavôrs. Un dai doi che a rapresentaran la Italie al festival internazionâl di teatri feminin “La escritura de la/s diferencia/s”. La rassegne, che si davuelç ogni trê agns, e je direte di Alina Narciso a Santiago di Cuba e e viôt la partecipazion di 16 Paîs tra Sud e Centri Americhe, Spagne e Italie. Dai 5 ai 11 di Jugn, la Italie e sarà rapresentade di doi spetacui leâts al festival “La scena delle donne” diret propit de Braidotti. Il prin al è “Italie. Le donne italiane al voto”, scrit e diret de stesse regjiste, il secont al è “Brucia il mito” di Verdiana Vono. (A.I.) – 01.06.2023