Une cjantante che e sune il piano cun ‘swing’

La pianiste e cjantante Francesca Tandoi, un dai talents plui interessants de sene jazz internazionâl, e sarà in conciert tal Teatri “Pasolini” di Çarvignan joibe ai 14 pal secont apontament de stagjon musicâl curade di Euritmica. Pianiste virtuose, cjantante elegante, compositore otime, e svante aromai di agnorums un percors puntinât di sucès in dut il mont e e je aclamade de critiche e dal public internazionâl. E à colaborât cun artiscj di innomine internazionâl e intai ultins agns e à lavorât dispès in tercet, in concierts che a son stâts definîts “une esplosion di swing”. Li dal Pasolini e presente il so gnûf album “Bop Web”, un disc fat cuasi dal dut di tocs origjinâi. (A.I.) – 13.11.2024