Daspò di une stagjon di record, la comedie di sucès “Scusa sono in riunione… ti posso richiamare?” (“Scuse, o soi in riunion… puedio tornâ a clamâti?”), scrite e direte di Gabriele Pignotta, e rive al Teatri Gnûf “Giovanni da Udine”, joibe ai 14. Protagoniscj a son Vanessa Incontrada, il stes autôr e regjist e une compagnie di atôrs che e trasforme il spetacul intun mecanisim perfet a orloi, cun ridadis siguradis, colps di teatri e cetant divertiment. Ce sucedaressial se un grup di amîs, par scherç, si cjatàs al centri di un “reality show” televisîf? Pignotta al fâs il ritrat de sô gjenerazion, chê che vuê e je sui cuarante agns, avonde cressude di podê vivi lant daûr al sucès e ae cariere, ma no avonde di podê molâ di ridi su di se. (A.I.) – 13.12.2023
Foto di G. De Sandre
