Une cubie di furlanis al “Rossetti” di Triest

Une des artistis plui innomenadis dal teatri di narazion e di investigazion contemporani, Giuliana Musso, e puarte cun Maria Ariis il so gnûf lavôr al Politeama Rossetti di Triest lunis ai 13 e martars ai 14. “Dentro. Una storia vera, se volete” nol è teatri di investigazion: e je la investigazion stesse, cuant che e je ancjemò inte vite. Un lavôr no su la violence, ma sul ocultament de violence, chel des dôs atoris furlanis (une di adozion, chê altre di nassite), nassût di un incuintri reâl cuntune femine e la sô storie segrete. (A.I.) – 13.03.2023