Une flabe pai grancj intal parc di Pagnà

E va indevant vinars ai 7 tal parc Rizzani di Pagnà la rassegne di musiche e teatri “Palchi nei parchi” (Palcs intai parcs), ideade dal Servizi forestis e Cuarp forestâl de Regjon, simpri sot de direzion artistiche de Fondazion “Luigi Bon” di Culugne. Sul palc une muse cognossude dal grant e piçul schermi, tant che de sene teatrâl taliane, Ugo Dighero. Cun dongje ancje Christian Lavernier, al puarte sul palc une opare par vôs che e conte e une ghitare. Une des oparis mestris pal teatri dal vincjesim secul, une straordenarie cubiade di leterature poetiche e musiche leterarie: “Platero Y Yo”, scrite di Juan Ramon Jimenez, une flabe deliziose pensade pai grancj, ven a stâi fruts cressûts masse di corse. (A.I.) – 06.06.2024