Une leture pal ‘pari’ de specificitât de lenghe furlane

Par celebrâ i 150 agns dai “Saggi Ladini”, publicâts tal 1873, là che pe prime volte e ven descrite la identitât e la specificitât de lenghe furlane e des altris lenghis ladinis, il Teatro Incerto al presente in anteprime pe Setemane de Culture Furlane, e in colaborazion cu “La notte dei lettori”, la vicende umane e dai studis di Graziadio Isaia Ascoli (1829-1907), linguist di nivel internazionâl. La leture “Noterelle/Storiis di Graziadio Isaia Ascoli”, di e cun Flavia Valoppi, Fabiano Fantini, Elvio Scruzzi e Claudio Moretti, e contarà al public, domenie ai 28 aes 8.30 di sere a Udin, in Palaç Mantica, il periodi furlan dal Ascoli: de nassite a Gurize ai 16 di Lui dal 1829 fintremai al so trasferiment a Milan tal 1861. (A.I.) – 26.05.2023