Une lezion conciert te cjase dal student di Pordenon

Domenie ai 23, la cuarantesime otave edizion di “Musicainsieme”, vetrine storiche di musiche di cjamare, ideade e promovude dal CICP-Centri Iniziativis Culturâls Pordenon e curade di  Franco Calabretto e Eddi De Nadai, e celebre la miôr tesi di lauree presentade intun Conservatori. Il Premi “Musicainsieme Pordenone” al ven conferît dal 2018 par volontât di Flavia Domitilla Pellarin, che e à destinât une sume di bêçs ae poie dal talent dai musiciscj zovins. Aes 11 di buinore intal Auditorium de cjase dal student “Antonio Zanussi”, l’apontament al è cu la lezion conciert dal vincidôr: il pianist e compositôr venezian Paolo Furlan, nassût intal 1994, premiât pe sô tesi dedicade a “La Sunade di Paul Dukas. Riflessions suntune opare trascurade”. (A.I.) – 21.02.2025