81
La decime setime edizion de rassegne “Note Nuove”, inmaneade di Euritmica, e da acet martars ai 26 li dal teatri Palamostre di Udin a Abdullah Ibrahim, une vere liende dal jazz mondiâl, par un conciert di bessôl che al darà grandis emozions. Nassût tal Sudafriche dal “apartheid”, là che il jazz al jere viodût tant che at di resistence, il pianist al è cressût cuntune misture di musiche tradizionâl africane, imnis de glesie cristiane, tocs gospel e spiritual, jazz american e musiche classiche. Un dai pôcs musiciscj africans a jessi deventât un protagonist dal jazz mondiâl, al à publicât passe cent discs. (A.I.) – 25.03.2024
