Une maratone di pianos inte fin de setemane a Pordenon

Setante concierts e plui di cent pianiscj par une imersion complete di trê dîs inte musiche classiche, jazz, contemporanie e crossover che e “invadarà” dute la citât. La cuinte edizion di “Pianio City Pordenone”, di vinars ai 16 a domenie ai 18 in tancj lûcs publics de citât, e tacarà cul conciert de cubane Marialy Pacheco, e e larà indenant cun ducj i events a jentrade gratuite par fâ scuvierzi sunôrs gnûfs, grancj classics rivisitâts e novitâts discografichis. Tra i apontaments speciâi, il “Bach Tribute” di Virginio Zoccatelli, il progjet di Aldo Orvieto cun sîs zovins pianiscj e il viaç cun Cesare Picco, grant non de musiche internazionâl, che al presente il gnûf album “Sky Tales”. (A.I.) – 14.06.2023

Foto di J. Mueller