Une pagjine teribile di storie a teatri

Il spetacul “Angeli scustodi” (Agnui custodis), un ricuart in prose dal agjent Eddie Walter Cosina, muart in maniere tragjiche intal atentât al judiç Borsellino, un at unic di Riccardo Irrera e Francesco Gusmitta, diret e interpretât di Gusmitta, prodot di ArtistiAssociati – Centri di Produzion Teatrâl, al è stât presentât a Cividât, in viste di une programazion in vie di definizion. La idee e je chê di cjapâ dentri cetancj Comuns de Regjon pussibii cul intindiment di contâ traviers il teatri une pagjine teribile di storie aes gnovis gjenerazions e ricuardâle al public plui ampli. Il spetacul al debutarà ae fin di Fevrâr tal Teatri “Ristori” di Cividât. Lis recitis a saran a jentrade gratuite par podê garantî la partecipazion massime ai students. (A.I.) – 29.01.2025