Une produzion dal ‘Giovanni da Udine’ a Verone

“Le nozze di figaro” di Wolfgang Amadeus Mozart prodotis de Fondazion Teatri Gnûf “Giovanni da Udine” a son stadis sieltis par screâ la stagjon artistiche 2023 dal Teatro Filarmonico di Verone. Il progjet, che al à puartât la opare comiche in cuatri ats di Mozart sul palc furlan a Fevrâr 2022, cu la direzion di Marco Feruglio, al à otignût cetant sucès di public e di critiche. Di chi la decision dal teatri veronês, che dopo lis datis dai 22 e dai 25, al proponarà la produzion udinese vinars ai 27 e domenie ai 29 di Zenâr. Pe stagjon in cors, il “Giovanni da Udine” al è daûr a meti sù une altre opare mestre di Mozart, il “Don Giovanni”, che al debutarà ai 4 di Jugn. (A.I.) – 26.01.2023