La vôs magnetiche di Moni Ovadia e da cuarp martars ai 21 li dal Teatri “Zancanaro” di Sacîl al “Stabat Mater” di Valter Sivilotti, une des partiduris plui penzis firmadis dal diretôr artistic de Academie musicâl “Naonis” di Pordenon, compositôr e rangjadôr tra chei plui preseâts intal panorame de musiche contemporanie. La opare, ispirade ae preiere di Jacopone da Todi, e sarà presentade de cjantante soliste Franca Drioli, cul grup vocâl feminin ArteVoce Ensemble, la Academie Zovine de Corâl dal F-Vj e i Soliscj de Academie Naonis, pe regjie di Marco Caronna. Al centri di un spetacul inovatîf, che al met in dialic gjeografiis e culturis diviersis, al è il teme de mari let ancje traviers i scrits e lis produzions cinematografichis di Pier Paolo Pasolini. (A.I.) – 20.11.2023
Foto di L. d’Agostino
