Une regjiste slovene e zire a Gurize e Grau

A son tacadis in Friûl-Vignesie Julie lis ripresis dal cine “Uncomfortable Beings”, gnûf progjet de regjiste slovene Maja Križnik, prodot di Incipit Film (Italie) e December (Slovenie). La produzion e gjolt dal contribût de Fvg Film Commission – PromoTurismoFVG. Il cine al è un drame familiâr zirât dut in lenghe slovene. Lis ripresis a son scomençadis a Gurize, dulà che la troupe e lavorarà par une desene di dîs, par dopo lâ indevant ai 18 e ai 19 di Mai a Grau, in lûcs che a esprimin cun fuarce il paisaç e la identitât dal teritori regjonâl. Maja Križnik e je une regjiste e senegjatore ative inte narazion di storiis intimis e umanis insot. Il so prin luncmetraç, disvilupât daspò di une schirie di curtmetraçs e di lavôrs di ricercje fats jenfri Slovenie e Italie, al fronte cun sensibilitât i temis de identitât feminine, dai leams familiârs e dal rûl des feminis inte societât contemporanie. (A.I.) – 08.04.2025