89
Danze, percussions e une sculture robotiche intal spetacul internazionâl “Rhizomas”, in sene a Gardiscje sabide ai 9 in sale Bergamas pal festival “Robotics”. Un spetacul cuntun cuarp in moviment, fondât suntune schirie di improvisazions une daûr chê altre, tra danze, musiche e elements robotics. Il festival al vûl scomençâ ancje a creâ un colegament efetîf tra lis realtâts di ca e di là dal confin, in viste di GO2025!, cuntun scambi di esperiencis tra Italie e Slovenie sul teren de “performing art”. “Rhizomas” al à tant che protagonist un tercet formât di un danzadôr gjaponês che al è a stâ in Slovenie, une percussioniste americane e un artist todesc di origjin e sloven di adozion. (A.I.) – 07.09.2023
