Une serade dedicade a une icone dal rock

Miercus ai 20 tal Teatri Palamostre di Udin, inte suaze de rassegne “Note Nuove”, inmaneade de associazion culturâl Euritmica, al larà sù sul palc un duet speciâl formât di Cristiano Godano, il cjantant dai Marlene Kuntz, e Alessandro “Asso” Stefana: ghitarist, autôr, produtôr, colaboradôr, tra chei altris, di Vinicio Capossela e Cristina Donà. I doi musiciscj a saran impegnâts in “Journey Through the Past”, un conciert dedicât a Neil Young. La scuvierte di une passion in comun pe icone rock canadese e je partide cuasi par zûc, cuntun piçul conciert, che po dopo al è deventât un viaç musicâl rafinât e intim. Nol è dome che un tribût, ma un sium che si invere e pardabon un at di amôr ae insegne de emozion. (A.I.) – 18.11.2024