179
La Fvg Orchestra direte di Paolo Paroni, cu la zonte dal sopran Claudia Mavilia, dal tenôr Stefano Tanzillo e dal bas Simone D’Eusanio, e presente “Una sera all’opera”, joibe ai 24 aes 9 di sere, al Auditorium Aldo Moro di Cordenons, par une serade fûr abonament dal circuit Ert. Tal program, une selezion di musichis di Donizetti, Mozart, Verdi, Puccini, Mascagni. Ricognossude di pôc tant che ICO (Istituzion conciertistic orchestrâl) dal Ministeri de Culture, la Fvg Orchestra e je stade volude de Regjon par cjapâ sù la ereditât musicâl di diviersis realtâts di chenti. (A.I.) – 23.11.2022
