Proponût la prime volte inte stagjon passade in ocasion dal centenari de muart di Arturo Zardini, al torne par dôs seradis intal circuit dal ERT “Zardini Sinfonic”, un omaç al compositôr di “Stelutis Alpinis”. Il conciert che al à protagoniscj Glauco Venier al piano, la vôs di Alba Nacinovich e lis musichis de FVG Orchestra direte di Valter Sivilotti, si tignarà sabide ai 22, fûr abonament, tal Teatri “Adelaide Ristori” di Cividât e ai 10 di Avrîl tal Teatri “Zancanaro” di Sacîl, dulà che al jere programât inte zornade di vinars ai 21 di Març. Valter Sivilotti al à rielaborât il catalic di Zardini in clâf jazz, dant aes sôs composizions in marilenghe une vieste contemporanie e mai sintude prime. Il conciert al segne un percors origjinâl intal repertori dal compositôr ponteban, ma al sarà spazi ancje par moments musicâi di grande intensitât su tescj di poetis che a fasin part de storie culturâl furlane, tant che Pier Paolo Pasolini, Novella Cantarutti, Pietro Zorutti, Emilio Nardini e Ercole Carletti. (A.I.) – 21.03.2025
Foto Comoretto
