Une stele argjentine pai 101 agns dai Amîs de musiche di Udin

I Amîs de Musiche di Udin a fasin fieste pal lôr 101n complean cul conciert de stele plui impuartante di cheste stagjon: il pianist Eduardo Delgado, che al sunarà miercus ai 11 al Teatri Palamostre intun orari stramp: 19.22, in ricuart dal an di fondazion dai ‘amîs’ . Un conciert unic, par un complean che al segne “il principi di altris 100 agns di musiche”. Il musicist argjentin, compagn di studis di Martha Argerich, al sunarà un program che al va di Astor Piazzolla inte elaborazion origjinâl di Josè Bragato, violoncelist furlan emigrât a Buenos Aires, a Mendelssohn, di Bach a Brahms. (A.I.) – 10.01.2023