Une storie di inclusion cul monolic di une atore famose

Une muse cognossude de television e dal cine, Valeria Solarino, e rive intal circuit regjonâl dal Ert cul spetacul che al à segnât la sô tornade a teatri: “Gerico Innocenza Rosa”, martars ai 21 e miercus ai 22 li dal Teatri comunâl di Monfalcon e joibe ai 23 li dal “Miotto” di Spilimberc. Il monolic scrit e diret di Luana Rondinelli al conte il percors di “inclusion” di une fantate inte costruzion e inte scuvierte de proprie identitât e il fat che l’ambient familiâr al à un rûl impuartant in chest passaç. Une trame di cressite e cussience personâl che si disgrope traviers dramaticitât e dolcece intime, parcè che “un afiet al è un ripâr e intun ripâr tu ti sintis protet”. (A.I.) – 21.11.2023

Foto di S. Gallorini