Une storie visionarie zirade inte nestre regjon

Atore e cjantautore, Margherita Vicario e debute te regjie cun “Gloria!”, un cine che al puarte sul schermi la storie di Teresa, une zovine dal talent visionari inte Vignesie de fin dal Sietcent. Zirât in Friûl-Vignesie Julie, cul contribût de Fvg Film Commission – PromoTurismoFVG, il cine al sarà acompagnât in sale de regjiste e de atore Galatea Bellugi, ospite martars ai 16 li dal Visionario di Udin aes 7 sot sere e a Cinemazero di Pordenon daspò de fin de proiezion des 9. La storie e je chê di une zovine femine cuntun talent speciâl e visionari, e al fevele de imagjinazion, de fantasie e dal talent di dutis chês compositoris che a son restadis scuindudis tra lis pagjinis de Storie. (A.I.) – 15.04.2024