Une vôs di Martignà al concors di Messina

Francesca Breda di Martignà e rapresentarà il Friûl-Vignesie Julie al Concors di cjançons a Messina “Il pilone d’oro”, che si davuelzarà sabide ai 13 al PalaCultura “Antonello da Messina”. Vincj cjantants, un par ogni regjon, si alternaran sul palc de manifestazion di musiche, art, culture, mode, ideade e condote di Salvatore La Porta, acompagnâts di une orchestre dal vîf. Francesca, che e frecuente Voice&Stage Academy (il cors di alt perfezionament di ArteVoce), e je cjantante, balarine e modele, si esibìs in diviers avigniments. L’an passât il public de nestre regjon le à aplaudide ae viertidure dal conciert di Antonella Ruggiero e de Orchestre Naonis a Pordenon. (A.I.) – 10.05.2023