Ungaretti contât di Goldin: ultime serade

Dopo il sucès a Gurize, Tumieç, Monfalcon e Udin, si siere martars ai 23 tal teatri “Verdi” di Pordenon il zîr teatrâl dal spetacul “Ungaretti poeta e soldato. Il Carso e l’anima del mondo” (Ungaretti poete e soldât. Il Cjars e la anime dal Mont). Scrit di Marco Goldin, il spetacul “multimediâl” cu lis animazions par cure di Alessandro Trettenero, che al vierç lis celebrazions par GO!2025, al conte la storie di Ungaretti sul Cjars tra leterature, storie, lûcs e art: il stes teme de mostre che dai 26 di Otubar e fint ai 4 di Mai dal 2025 e sarà ospitade a Gurize e a Monfalcon. Sul palc ancje il pianist compositôr Remo Anzovino, che al à scrit lis musichis e ancje trê cjançons pe cjantante Antonella Ruggiero, tal spetacul intun cuntun altri musicist, Diego Cal, e l’atôr Gilberto Colla. (A.I.) – 22.04.2024