Ve il festival dal grant jazz e dal bon vin ator Cormons

A son un grum i nons che ancje chest an rivaran a “Jazz & Wine of Peace”, inmaneât di 27 agns a Cormons e sul Cuei furlan e sloven dal circul culturâl Controtempo a son pardabon cetancj. La rassegne che e met dongje dôs passions – il bon vin dai Cuei e la musiche di improvisazion – e une sperance, chê de pâs – e tache miercus ai 23 e fint a domenie ai 27 e puarte cuasi trente events in cinc teatris a Gurize, Gnove Gurize e Cormons e in 18 aziendis, cantinis, cjasis storichis, ambients… Pe scree, tal teatri di Gardiscje aes 6 di dopomisdì, al sunarà il pianist american Jason Moran, un dai miôr de sene contemporanie. La sere al “Verdi” di Gurize si va indevant cun Fatoumata Diawara, ghitariste e cjantante di spic de sene africane di vuê. Il dì dopo, a Cormons e rive la inglese Camilla George, ma vie pal dì, ator pal Cuei, a sunin Blue Moka, Wolgang Muthspiel e la liende americane Joe Locke. (A.I.) – 22.10.2024
Foto di S. Duncan