Viaç inte storie dal teatri al feminin

A van indevant a Pordenon i avigniments de vincjesime edizion de rassegne “La scena delle donne – La casa delle attrici” (La sene des feminis – La cjase des atoris) dedicade ae figure di Eleonora Duse a cent agns de muart de popolâr atore. Direte di Bruna Braidotti, inmaneade de Compagnie di Arti&Mestieri, la rassegne di teatri feminin e da apontament vinars ai 10 li dal Ex Convent di S. Francesc pe conference spetacul “Donne e teatro – dalle Dee alle Divine” (Feminis e teatri – des Deis aes Divinis), di e cun Bruna Braidotti. E sarà la ocasion par viazâ cu la imagjinazion, traviers la conte di une storie dal teatri dute al feminin, e par riscuvierzi il contribût, somerzût e scuindût, che lis feminis a àn puartât ae art antighe dal teatri. (A.I.) – 09.05.2024