Violence e culture patriarcjâl intun spetacul

Joibe ai 30 a Pordenon, inte suaze de decime novesime edizion de rassegne “La scena delle donne” promovude de Compagnia di Arti&Mestieri, e va in sene in prime assolude inte sale Capitol “Da uomo a uomo”, une conversazion-provocazion su la violence masculine cuintri lis feminis, di Bruna Braidotti. In sene i atôrs Francesco Cevaro e Paolo Mutti a indagaran la culture patriarcjâl che e sta ae base de disparitât di gjenar, traviers riflessions su la culture dai oms, e in particolâr sui mûts di fâ e il lengaç che a contegnin segns de prepotence. (A.I.) – 29.11.2023