Winners, ultin conciert prime dal Istât

Cuart apontament cun Winners, la rassegne dedicade a Sacîl ai talents zovins dal piano di dut il mont. Chel di miercus ai 24, aes 7.30 sot sere ae Fazioli Concert Hall, al sarà l’ultin conciert prime de polse estive: sul palc Yuanfan Yang, vincidôr dal Concors pianistic ‘Alessandro Casagrande’, dopo vê concuistât tancj altris prins premis in competizions internazionâls. Il conciert al presentarà musichis di Mozart, Rachmaninov, Bartók e ancje scritis dal musicist. Il festival al tornarà a tacâ ai 13 di Setembar cul conciert di Riccardo Martinelli e Nicolò Ferdinando Cafaro. (A.I.) – 22.05.2023