Forsit al è il conciert plui spietât dal Istât e lu confermin i 4 mil biliets za vendûts: vinars ai 19 a Vile Manin e rive une liende musicâl autentiche, Nile Rodgers, compositôr iconic, produtôr, rangjadôr e ghitarist american, che dai agns ’70 fint a vuê al à scrit e prodot oparis mestris memorabilis. Za vincidôr di numerôs Grammy Award, di pôc al è stât premiât cul Polar Music Prize 2024, ven a stâi il Nobel de Musiche, par “il so stîl di sunâ la ghitare”. Compagnât dai siei mitics Chic, al presentarà il miôr dal so repertori, fat di sucès e di grandis produzions. A vierzi la serade, l’innomenât disc jockey furlan Renato Pontoni, ideadôr dal Ceghedaccio, che tacant des 7.30 sot sere al proponarà une selezion dai discs plui biei de epoche. (A.I.) – 18.07.2024
Za 4 mil biliets par Nile Rodgers a Vile Manin
46