Zornade de marilenghe, al tache il festival Suns Europe

In concomitance cu la Zornade internazionâl de marilenghe, martars ai 21 di Fevrâr, i organizadôrs di Suns Europe – il festival des arts intes lenghis minorizadis di Europe, in program a Udin e in altris localitâts dal Friûl dilunc dal mês di Otubar dal 2023 – a àn decidût di publicâ il gnûf bant. La clamade e je dreçade a grups musicâi e autôrs di bessôi cuntune produzion artistiche fate intune des lenghis minorizadis de Europe. Il festival al continuarà ancje intal 2023 cun chê di cirî di valorizâ lis miôr produzions di vuê intes lenghis minorizadis, si che duncje ancje la sezion musicâl e darà visibilitât aes propuestis plui origjinâls e inovativis. I artiscj interessâts a podaran aderî dentri dai 26 di Març dal 2023; i finaliscj selezionâts a saran invidâts a Udin par sunâ dal vîf la seconde metât di Otubar. (A.I.) – 21.02.2023