Il Teatri gnûf “Giovanni da Udine” al celebrarà intune cul public la Zornade Mondiâl dal Teatri joibe ai 27, cuntun ospit di onôr: Umberto Orsini, un dai plui preseâts e amâts atôrs talians di ducj i timps. Istituide intal 1961, la ricorence e je nassude cul obietîf di promovi il valôr universâl dal teatri e di sotlineâ la impuartance culturâl e sociâl. Si tache aes 6 di dopomisdì cuntun avigniment speciâl di “Foyer di autôr” par cure dal professôr Peter Brown, che al contarà William Shakespeare. Aes 8.30 sot sere, “Un futuro nel teatro” (Un avignî tal teatri), cun Orsini protagonist di un viaç emozionant traviers memoriis e incuintris di une vite vivude sul palc, contâts di cui che al à dedicât dute la sô esistence ae art teatrâl. L’avigniment al rivarà daspò di “Il teatro può dire tutto” (Il teatri al pues dî dut), une leture seniche di tocs scrits di personalitât di spic dal teatri par cure dai dipendents e colaboradôrs dal “Giovanni da Udine”. (A.I.) – 26.03.2025
Foto di F. Milani
