Zornadis dal cine mut: si tache di Sacîl

L’apontament che al anticipe la scree uficiâl de cuarantesime tierce edizion des “Zornadis dal Cine Mut” e je la pre viertidure, vinars ai 4 tal Teatri “Zancanaro” di Sacîl, cuntun dai campions de comicitât: Harold Lloyd, intun dai siei cines plui divertents, “Girl Shy” (Lis feminis… ce orôr) dal 1924, pe regjie di Fred Newmeyer e Sam Taylor. L’acompagnament musicâl dal vîf al è de Zerorchestra, impegnade inte esecuzion de partidure componude di Dan Van den Hurk, che al sarà ancje ae direzion e al piano. L’avigniment al sarà replicât vie pal festival, joibe ai 10 di Otubar tal Teatri “Verdi” di Pordenon. (A.I.) – 03.10.2024

Foto di Harold Lloyd Entertainment