Zucchero a Palme intal tour dai record

A cuasi dîs agns dal ultin conciert in regjon, a Vile Manin di Passarian intal 2013, al torne Zucchero, il bluesman talian plui famôs tal mont, cun 60 milions di discs vendûts in cariere. Joibe ai 7 di Lui al sarà sul palc in place a Palme par une des datis esclusivis dal so “World Wide Tour” intun event organizât di Zenit. Dilunc dal tour mondiâl, Zucchero al à contât 150 mil spetatôrs dome intes dôs setemanis di datis a tarde Vierte ae Arene di Verone, tant che recupar dai concierts saltâts pe pandemie. A Palme, Adelmo Fornaciari al puartarà in sene un spetacul plen di grandis emozions, cui tocs dal so ultin lavôr “Discover”, vignût fûr a fin 2021, e i siei plui grancj sucès. (A.I.) – 06.07.2022