Zucchero al torne dôs voltis in regjon, ma dome a Triest

Dut pront a Triest pal dopli conciert dal bluesman talian plui innomenât tal mont, Zucchero Fornaciari, pront a discjadenâ il public di Piazza Unità, doman e miercus, ai 4 e ai 5 di Lui, cu lis unichis datis in regjon par chest Istât. I doi concierts di Zucchero, che a fasin part dal so “World Wild Tour”, a son dentri tal calendari di “Live in Trieste”.  Il tour internazionâl, che l’an passât al à regjistrât a Londre e ae Arene di Verone une schirie di concierts ducj plens, al è ripartît ai 24 di Avrîl de Gnove Zelande. Zucchero al sarà acompagnât sul palc di une super band internazionâl e al presentarà il miôr di une lungje cariere di sucès, cun sessante milions di discs vendûts. (A.I.) – 03.07.2023

Foto di D. Barraco