256
La partide amichevule de Nazionâl di balon taliane a Tirana, cuintri la Albanie alenade par altri di Edy Reja di Lucinîs, e je stade une serade storiche. A un pâr di minûts de fin, l’alenadôr Mancini al à fat zuiâ un dal Udin, Simone Pafundi, nassût intal 2006, pe prime volte in cjamp. Cui siei 16 agns, 6 mês e 2 dîs, al è il tierç zuiadôr talian plui zovin a vê zuiât cu la maie dai ‘Azzurri’, ma bisugne lâ indaûr fintremai al 1910 par cjatâ altris cussì zovins! Intai ultins 100 agns, invezit, il piçul talent che l’Udin al à puartât vie l’an passât al Chelsea, e che al à zuiât un toc di partide in serie A, al è chel plui zovin di ducj. (A.I.) – 17.11.2022
