Il trentesim cuint incuintri internazionâl di atletiche lizere “Sport e Solidarietà” al à regalât emozions fuartis al public, che al à jemplât la tribune dal stadi “Teghil” di Lignan. L’avigniment, inmaneât de Gnove Atletiche dal Friûl dal president Giorgio Dannisi e dal diretôr sportîf Stefano Scaini, al à ufiert prestazions di alt profîl tecnic: trê records dal meeting ritocjâts, 18 records personâi, la prime volte dal tîr dal pês, la vitorie dal spagnûl Yeral Nunez intal trofeu “Missoni” sui 400 ostacui e la grande emozion di viodi un campion de nazionâl gjamaicane tant che Kishane Thompson, l’om plui svelt tal mont sui 100 metris intal 2024, cori pai “Special Olympics” furlans. Il risultât plui preseât al è stât il sucès di Sintayehu Vissa, la atlete nazionâl di Pocec di Bertiûl: la uniche furlane che e rapresentarà la Regjon F-Vj te atletiche e à vinçût i 1.500 metris cul so primât personâl stagjonâl. (A.I.) – 15.07.2024
Atletiche a Lignan: entusiasim pe nazionâl di Bertiûl
53