Balzaretti al è il gnûf diretôr tecnic dal Udin

L’Udinese Calcio e à comunicât il non dal gnûf responsabil de aree tecniche. Come che tancj a vevin za anticipât, al è Federico Balzaretti, che al à firmât un contrat cul club blanc e neri fint ai 30 di Jugn dal 2025. Balzaretti al à un passât di grant zuiadôr cun passe 400 partidis di professionist, zuiant cun Turin, Juventus, Rome e Florentine e metint par 23 voltis la maiute de Nazionâl Taliane. Finide la cariere di zuiadôr, al à cjapât la cualifiche di diretôr sportîf e al è jentrât intal grup dirigjenziâl de Rome, a flanc di dirigjents tant che Sabatini, Massara e Monchi. Intes ultimis dôs stagjons al à lavorât al Vicence, dulà che al à vinçût la Cope Italie di Serie C. (A.I.) – 26.06.2023