Ai 30 di Novembar dal 1896 e je la date di nassite dal Udin. O miôr, la date indicative, fissade de Figc e Lega Calcio, pe istituzion de Società Udinese di Ginnastica e Scherma, la mari de societât di cumò. Il circul al jere za atîf dal 1895, cuant che une scuadre blancje e nere e zuià a Rome la prime partide di balon inte Capitâl di Italie, e un an dopo e à vinçût fintremai il prin campionât nazionâl di balon in Italie! Pecjât che il ‘scudet’ nol sedi mai stât assegnât… Al reste il record di une des societâts plui antighis di Italie: tra chês in ativitât passade, dome il Genoa al è plui vieri. Celebrâts l’an passât i 125 agns, i blancs e neris di Udin a spietin la riprese dal campionât, chi di un mês, par cirî gnûfs travuarts: dome 13 scuadris, tant par scomençâ, a son stadis plui dal Udin in serie A, e nol è pôc! (A.I.) – 30.11.2022
Bon complean Udin: tu âs 126 agns!
211