Ciclisim: il Zîr dal F-Vj al rive a 60 edizions

Di miercus ai 4 a sabide ai 7 al torne il Zîr ciclistic de regjon Friûl-Vignesie Julie, rivât ae sessantesime edizion: un avigniment di nivel internazionâl che al riclamarà, compagn di ogni an, i miôr talents e lis miôr scuadris talianis e forestis de categorie Elite/Under 23 e Continental. La manifestazion, coordenade dal ex professionist Christian Murro adun cul president de Libertas di Sarsêt, Andrea Cecchini, e a Danilo Moretuzzo, al à contribuît par sessante agns a puartâ zovinis promessis dal ciclisim inte orbite dal ciclisim professionistic. Il percors dal Zîr de Regjon al è dividût in cuatri tapis che – come simpri – a van a tocjâ diviersis areis de regjon par un percors complessîf di 626 chilometris e un disnivel totâl di 5.620 metris. La tape finâl de corse, che e viodarà 30 scuadris in gare (18 forestis e 12 talianis), e sarà la citât di Gurize. (A.I.) – 03.09.2024