Cividât-Madone di Mont: 243 machinis in gare

A saran 243 lis veturis, ripartidis in 158 modernis e 85 storichis, in gare pe Cividât-Madone di Mont, la cronoscjalade in program inte fin de setemane e inmaneade de scudarie Red White. La cuarantesime setime edizion de corse, buine chest an tant che finâl dal Campionât talian di velocitât, tant che prove conclusive dal campionât nazionâl sloven e austriac e dal Campionât talian velocitât su machinis storichis, al tache vinars ai 11 cu lis operazions preliminârs. Sabide a son in program lis provis, domenie la gare, partint di Cjararie e rivant a Madone di Mont dopo 6,395 km di rive su’, cuntune pendence medie dal 6,4%. (A.I.) – 10.10.2024