Crazy Bob: la stagjon de nêf si siere cul divertiment

No je stade la sierade uficiâl de stagjon invernâl su lis pistis di schi, ma dome parcè che no je une gare vere. Ancje chest an, però, al è stât un sucès il Crazy Bob, la competizion goliardiche par bob e slitis metûts sù di bessôi. La manifestazion plui mate dal Invier, che e celebre l’inzen e il spirt dal divertiment, si è sierade devant di miârs di spetatôrs su lis nêfs des pistis Duca d’Aosta di Tarvis: 25 lis scuadris iscritis di dut il Friûl-Vignesie Julie, dal Venit e de Slovenie cun passe un centenâr di partecipantis che si son contindûts il trofeu. Ancjemò une volte i vincidôrs a son i “The Wallaby” di Cergneu di Nimis, cul lôr bob che al à ricreât “La Famee Addams”. (A.I.) – 20.03.2023