E torne une gare storiche: la Verzegnis-Cjançutan

A son viertis lis iscrizions par partecipâ ae cincuantesime seconde edizion de Verzegnis-Cjançutan, la scjalade a cronometri che e à fat la storie dal sport regjonâl des machinis. Organizade de Asd E4run, la corse e sarà dal 14 ai 16 di Avrîl e si fasarà di gnûf in presince dal public, dopo che la ultime edizion, intal 2021, si jere tignude a puartis sieradis. La gare e restarà fedêl ae sô tradizion par ce che al tocje il percors, lunc 5,640 km come simpri, che a partissin de rive dal lât di Verzegnis e a rivin ae Siele Cjançutan. Une des novitâts al è il lûc des premiazions, la Arene di Verzegnis, par favorî il flus dal public e des personis al paddock. (A.I.) – 21.03.2023