Gjinastiche ritmiche, a Udin un torneu internazionâl

Dal 3 ai 5 di Fevrâr al torne il ‘Torneu internazionâl par circui di gjinastiche ritmiche’ inmaneât de Associazione sportiva Udinese che, de edizion passade, e à cjapât il non di International GR Tournament “Swirl and Twirl”. Al palaç dal sport di via Lodi, a Udin, a laran jù in pedane 300 atletis dai 8 ai 25 agns che a vegnin di 15 Paîs diferents. Numars impuartants, che a ripuartin ae ment lis edizions prime dal Covid. Un grant avigniment di segnalâ al sarà il seminari cun Milena Baldassarri, za campionesse taliane intal 2021. No mancjaran po dopo lis atletis blancjis e neris che a puartin alts i colôrs de ASU intal campionât di serie A1. (A.I.) – 26.01.2023