Grande spiete pai atletis furlans di burelis al Torneu nazionâl di Spilimberc

Dopo il prin apontament nazionâl di Avost, lis burelis no si fermin cun dut chest cjalt. E je tacade ai 12 di Avost la 74^e edizion dal Grant Premi Citât di Spilimberc dulà che a partecipin tancj atletis. Lis garis a son tacadis aes 10 cui turnis eliminatoris par finî  vuê dopomisdì cu lis fasis finâls.
Simpri intal setôr des burelis la cubiade furlane Denis Zambon e Francesco Feruglio de societât Marenese a  àn vinçût il torneu nazionâl Alla Camillotta di Conean, sbaraiant lis 34 cubiis contindintis. In finâl si son imponûts par 13 a 6  sui compagns di maie Franco e Ivan Soligon. (A.D.G.) – 13.08.2022