Domini sloven ae cincuantesime novesime edizion de Staffetta Tre Rifugi Skytrail di Culine di For Davôltri. Inte gare storiche di corse in mont, part dal circuit de Federazione italiana Skyrunning, i atletis di là dal confin a centrin un splendit dopli, vincint al masculin e al feminin.
Il tercet masculin cun Timotej Becan, Jost Lapajne e Matic Plaznik si è imponût in une ore 16 minûts e 17 seconts, dopo une gare cuasi simpri al comant.
Slovenis sul podi ancje tra lis feminis. La scuadre formade di Lucija Krkoc, Petra Tratnik e Ana Cufer e à dopleât il sucès de edizion passade, costruint la vitorie soredut inte prime frazion e resistint ai otims timps des inglesis. Tra lis feminis e je la decime volte che si aferme une scuadre slovene. (A.D.G.) – 22.08.2022
