Il Pordenon al riscjie il faliment: la societât si môf

A pôcs dîs dai cuarts di finâl cuintri il Lecco, brutis gnovis pal Pordenone calcio. Daûr dal Procuradôr de Republiche, Raffaele Tito, e je stade presentade istance di faliment. Za ae fin dal an passât, il belanç societari si jere sierât cuntun passîf di passe sîs milions di euros, in cressite a pet dai trê dal 2021. La societât nere e verde, intun comunicât, e à dit che e je “daûr a sierâ un plan di ristruturazion par passâ une situazion di dificoltât temporanie e garantî, sedi cul mantigniment de categorie che cu la promozion, la continuitât cuntun progjet sportîf puartât indenant cun impegn e cetancj sacrificis”. La dirigjence, assistude dai avocats Antonio e Bruno Malattia, Roberto Casucci, e sosten di podê furnî ducj i sclariments rivuart ae domande di licuidazion. (A.I.) – 25.05.2023