Il stadi di Udin si vierzarà ancjemò di plui ai citadins

La zonte comunâl di Udin e Udinese Calcio a rilancin il progjet di ricualificazion dal Bluenergy Stadium/stadi Friûl, il cûr dal sport furlan, pont di riferiment di dute la comunitât e un model a nivel internazionâl. Il fin al è ambiziôs: trasformâ il stadi, za ae avanvuardie in Italie pe sostignibilitât energjetiche, intune aree inricjide di servizis a disposizion dut l’an, che a varan ricjadudis ecezionâls par dute la citât e il teritori regjonâl. Il Bluenergy Stadium, di là di jessi un implant ‘vert’, al ospite za passe 150 grancj avigniments l’an. Cul progjet dal “Stadi 2.0”, dute la citât e sarà simpri plui ae avanvuardie, vint a disposizion di tifôs e citadinance une struture fra chês plui completis de Europe. (A.I.) – 04.12.2024